Það voru 33 nemendur úr 7.-8. bekk Varmahlíðarskóla sem gerðu sér lítið fyrir og hlupu rúma 60 km til styrktar Krabbameinsfélagi Skagafjarðar þann 29. október.
Fyrsti hópurinn hljóp af stað frá Varmahlíð kl. 9:40 í blíðskaparveðri áleiðis á Sauðárkrók og síðasti hópurinn kom að skólanum kl. 18:45. Lögreglan fylgdi krökkunum í gegnum Sauðárkrók og þá kafla leiðarinnar sem ekki eru reiðstígar meðfram veginum.
Margir lögðu áheitahlaupinu lið og er þeim hér færðar þakkir fyrir. Sérstaklega skal þakka eftirtöldum:
- Þeim sem styrktu Krabbameinsfélag Skagafjarðar með framlögum.
- Þeim fyrirtækjum sem styrktu hlaupið með matvælum handa þátttakendum – KS útibúið í Varmahlíð, Mjólkursamlagið og Sauðárkróksbakarí.
- Foreldrum og starfsfólki sem lögðu krökkunum lið í undirbúningi, söfnuninni og sjálfu hlaupinu.
Myndir frá síðu Varmahlíðarskóla.