Tilkynnt hefur verið um úthlutanir úr tónlistarsjóði fyrir seinni hluta ársins 2018. Hlutverk sjóðsins er að efla íslenska tónlist og stuðla að kynningu á íslenskum tónlistarmönnum og tónsköpun þeirra. Að þessu sinni bárust 126 umsóknir til sjóðsins en samþykkt var að veita 53 verkefnum styrki að þessu sinni, heildarupphæð styrkjanna nemur 19,2 milljónum kr. Verkefnin eru af ýmsum toga og endurspegla fjölbreytta flóru íslensks tónlistarlífs. Hæstu styrkina, að upphæð einni milljón kr. hljóta Pera óperukollektíf vegna Óperudaga í Reykjavík og Tónlistarfélag Ísafjarðar vegna uppfærslu á barnaóperunni Kalli og sælgætisgerðin eftir Hjálmar H. Ragnarsson.
Tónlistarhátíðin Berjadagar í Ólafsfirði hlutu styrk kr. 400.000. Menningarfélagið Berg á Dalvík hlaut styrk fyrir Klassík í Bergi. Tónlistarfélag Akureyrar hlaut styrk fyrir Sumartónleika í Akureyrarkirkju.
Níu tónlistarhátíðir og tónleikaraðir á landsbyggðinni hljóta styrk að þessu sinni: á Seyðisfirði (LungA og Bláa kirkjan), Akureyri (Tónlistarfélag Akureyrar og Sumartónleikar í Akureyrarkirkju), Kvoslæk, Ólafsfirði (Berjadagar), í Stykkishólmi (Listvinafélag Stykkishólmskirkju), Dalvíkurbyggð (Menningarfélagið Berg) og Karlsstöðum í Berufirði (Sumar í Havarí).
Af tónlistarhátíðum og tónleikaröðum á höfuðborgarsvæðinu hljóta styrk ErkiTíð, Listvinafélag Hallgrímskirkju, 15:15 tónleikasyrpan, Á ljúfum nótum í Fríkirkjunni, tónleikaröð jazzklúbbsins Múlans, Listahátíðin Cycle, Extreme Chill Festival og Synth Babe Fest. Einnig hljóta styrki stök verkefni á vegum tónlistarhópa og einstaklinga, m.a. Skagfirski kammerkórinn, Kammerkór Suðurlands, Söngsveitin Ægisif, Kammersveitin Elja, Stirni Ensemble og Íslenski flautukórinn.
Af verkefnum fyrir börn og ungmenni má nefna barnaóperurnar Allt í plasti og Kalli og sælgætisgerðin, auk barnatónleikanna Ferðast um fullveldið (tónlist eftir Elínu Gunnlaugsdóttur) og Hver huggar krílið (tónlist eftir Olivier Manoury). Þá fær Hamrahlíðarkórinn styrk til að kynna íslenska kórtónlist í Eistlandi og þjóðlagasveitin Þula til að flytja íslenska þjóðlagatónlist í Kína.
Gott samræmi reyndist í úrvali tónlistartegunda þeirra verkefna sem sóttu um styrki og þeirra sem hljóta styrk. Sömu sögu má segja um kynjahlutfall umsækjenda og styrkþega.
Mennta- og menningarmálaráðherra úthlutar úr sjóðnum að fengnum tillögum tónlistarráðs og er sjóðurinn í umsýslu hjá Rannsóknarmiðstöð Íslands.
| Nafn umsækjanda | Heiti verkefnis | Vilyrði |
| Auður Viðarsdóttir | Synth Babe Fest í Reykjavík | 400.000 |
| Á ljúfum nótum í Fríkirkju – tónleikaröð | Á ljúfum nótum í Fríkirkjunni – hádegistónleikar | 200.000 |
| Ása Fanney Gestsdóttir | Allt í plasti – Barnaópera | 800.000 |
| Barokkbandið Brák | Eftir nóttina | 400.000 |
| Berglind María Tómasdóttir | Verpa eggjum | 200.000 |
| Berjadagar,fél um tónlistahátíð | Berjadagar tónlistarhátíð í Ólafsfirði 2018 | 400.000 |
| Bláa Kirkjan sumartónleikar | Sumartónleikaröðin Bláa kirkjan – 20 ára afmæli | 400.000 |
| Camerarctica | Kammertónleikar Camerarctica 2018 seinni hluti | 300.000 |
| Edda Erlendsdóttir | Tónverkið HVER HUGGAR KRÍLIÐ? eftir Olivier Manoury | 400.000 |
| ErkiTíð, íslensk tónlistarhátíð | ErkiTíð – SpinOn Festival | 400.000 |
| Félag íslenskra tónlistarmanna | Klassík í Vatnsmýrinni | 200.000 |
| Félag íslenskra tónlistarmanna | Velkomin heim | 150.000 |
| Guðbjörg Sandholt Gísladóttir | King Harold’s Saga | 200.000 |
| Guðný Þóra Guðmundsdóttir | Listahátíðin Cycle – Óperufrumflutningur fyrir hringflautu og rödd | 600.000 |
| Guðríður S.Sigurðardóttir | Jón Ásgeirsson 90 ára – heiðurstónleikar | 200.000 |
| Hafnarborg | Hljóðön haustið 2018 – Romsa | 100.000 |
| Hallveig Rúnarsdóttir | Speglasalur tilfinninganna – klassískur kabarett | 200.000 |
| Hamrahlíðarkórinn | Hamrahlíðarkórinn – Europa Cantat XX í Tallinn 2018 | 800.000 |
| Havarí ehf. | Sumar í Havarí 2018 | 400.000 |
| Hildigunnur Halldórsdóttir f.h. 15.15 tónleikasyrpunnar | 15:15 tónleikasyrpan | 400.000 |
| Hlutmengi ehf. | Mengi: Vettvangur nýsköpunar | 200.000 |
| Isnord, menningarfélag | Fullveldi til fullveldis og Um víða veröld | 200.000 |
| Íslenski flautukórinn | Andrými í litum og tónum, seinni hluti 2018 | 150.000 |
| ítríó | For all the wrong reasons | 300.000 |
| Kammerkór Suðurlands | Ör-lög Suðurlands | 100.000 |
| Kári Kárason Þormar | Brilliant Barokk | 400.000 |
| Listvinafélag Hallgrímskirkju | Listvinafélag Hallgrímskirkju | 600.000 |
| Listvinafélag Stykkishólmskirkju | Menningardagskrá Listvinafélags Stykkishólmskirkju 2018 | 400.000 |
| LungA-Listahátíð ungs fólks,AL | LungA – Tónlistarveisla og aðrir tónlistarviðburðir 2018 | 300.000 |
| Menningarfélagið Berg ses | Klassík í Bergi 2018 -2019 | 200.000 |
| Minningarsjóður um Helgu Ingólfsdóttur | Útgáfa sex geisladiska með semballeik Helgu Ingólfsdóttur í tengslum við bókina “Helguleikur” | 200.000 |
| Múlinn – jazzklúbbur | Tónleikaröð Jazzklúbbsins Múlans í Hörpu | 200.000 |
| New Music for Strings á Íslandi | New Music for Strings á Íslandi | 200.000 |
| Pan Thorarensen | Extreme Chill Festival 2018 | 300.000 |
| Pera Óperukollektíf, félag. | Óperudagar í Reykjavík | 1.000.000 |
| Pétur Björnsson | Sumartónleikar Elju | 400.000 |
| Rut Ingólfsdóttir | Menningarstarf að Kvoslæk | 400.000 |
| Sinfóníuhljómsveit tónlistarskólanna | Concerto grosso – Viking barokk | 350.000 |
| Skagfirski kammerkórinnnn | Í takt við tímann | 400.000 |
| Smekkleysa S.M. ehf. | Heildarútgáfa af píanótónlist Magnúsar Blöndal Jóhannssonar | 250.000 |
| Smekkleysa S.M. ehf. | Leiftur | 200.000 |
| Starfsmannafélag Tónlistarskóla f.h. Þjóðlagasveitarinnar Þulu | Þjóðlagasveitin Þula á listahátíð í Kína | 500.000 |
| Stirni Ensemble | Þrennir tónleikar Stirni ensemble í júlí – september 2018 | 300.000 |
| Sumarópera unga fólksins, félag | Óperuakademía unga fólksins í Hörpu | 200.000 |
| Sumartónleikar í Akureyrarkirkju | Sumartónleikar í Akureyrarkirkju 2018 | 400.000 |
| Symphonia angelica, félagasamtök | Concerto Grosso – Viking barokk | 800.000 |
| Söngsveitin Ægisif | Ægisif flytur rússneskar kórperlur | 400.000 |
| Tónlistarfélag Akureyrar | Hausttónleikaröð Tónlistarfélags Akureyrar | 400.000 |
| Tónlistarfélag Ísafjarðar | Barnaóperan Kalli og sælgætisgerðin | 1.000.000 |
| Töfrahurð sf. | Ferðast um fullveldið – sögur af fullvalda börnum | 400.000 |
| Töframáttur tónlistar | Töframáttur tónlistar | 200.000 |
| Umbra | Umbra áfram | 300.000 |
| Ung nordisk musik | Starf Íslandsdeildar Ung Nordisk Musik 2018 | 400.000 |
| Samtals | 19.200.000 |
Heimild: rannís, stjornarrad.is