Karlmaður á hestbaki fór niður um ís á Hrísatjörninni í Dalvíkurbyggð í kringum hádegið í dag. Ísinn lét undan og fór bæði hesturinn og maðurinn niður undir ísinn. Maðurinn hafði mælt ísinn skömmu áður en hann fór yfir tjörninna. Hláka hefur verið undanfarna daga á svæðinu.
Manninum tókst að koma sér upp á ísinn og kalla eftir hjálp og var nokkur viðbúnaður í þessari aðgerð lögreglu og björgunarsveitar í dag.
Hvorki manninum né hestinum varð meint af atvikinu.
Fréttavefurinn mbl.is greindi fyrst frá þessu.
