Ljóðahátíðin Haustglæður heldur áfram sunnudaginn 16. október en kl. 16.00 þann dag verður dagskrá um skáldin Stein Steinarr og Stefán frá Hvítadal á Ljóðasetrinu á Siglufirði.
Það er bræðurnir Þórarinn og Elfar Logi Hannessynir sem munu flytja þessa dagskrá í tali og tónum. Frítt er inn á setrið og allir velkomnir.
Kómedíuleikhúsið sýnir svo sitt nýjasta verk, Tindátana, fyrir nemendur í 1.-5. bekk Grunnskóla Fjallabyggðar á þriðjudaginn 18. október. Þetta er spennandi skuggabrúðuleiksýning sem unnin er upp úr samnefndum ljóðabálki Steins Steinarrs og talar sérlega vel inn í nútímann.
Rammi hf býður upp á þessa sýningu fyrir börnin.
Það eru Ungmennafélagið Glói og Ljóðasetur Íslands sem standa saman að hátíðinni og styrktaraðilar eru Fjallabyggð, Rammi hf, Siglunes guesthouse og veitingastaðurinn Torgið.