Nú þegar 13 leikjum er lokið af 22 í 3. deild karla þá hefur Knattspyrnufélag Fjallabyggðar unnið 3 leiki, gert 5 jafntefli og tapað 5 leikjum. Liðið hefur skorað 17 mörk en fengið á sig 18 og er með 14 stig. Tindastóll er í 6. sæti með 17 stig og er því mjög þéttur pakki þarna á milli og getur einn sigur gjörbreytt stöðunni.
KF hefur ekki unnið leik í síðustu fjórum leikjum. Liðið hefur ekki enn unnið útileik en náð þremur jafnteflum á útivelli. Liðið hefur skorað 5 mörk í 6 leikjum á útivelli.
Liðið hefur náð í 11 stig á heimavelli á Íslandsmótinu og hafa allir sigurleikir komið þar og tvö jafntefli. KF hefur skorað 12 mörk á heimavelli í 7 leikjum og fengið á sig 10.
Liðið fékk nýjan þjálfara fyrir leiktíðina og er það Daniel Kristiansen sem er spilandi þjálfari. Hann tók við liðinu eftir að það féll úr 2. deildinni á síðustu leiktíð þegar Halldór Ingvar Guðmundsson var þjálfari liðsins. Miklar leikmannabreytingar voru fyrir þessa leiktíð og fengu margir yngri leikmenn stærra hlutverk.
KF lék þrjá leiki í upphafi móts á Dalvíkurvelli og sótti liðið fjögur stig úr þessum leikjum.
KF á 5 útileiki og 4 heimaleiki eftir.
Tímabilið hefur verið í takt við síðasta tímabil, en þá fékk liðið 18 stig í 2. deildinni, unnu 5 leiki, gerðu 3 jafntefli og töpuðu 14 leikjum. Liðið tapaði þá fjórum að síðustu 5 leikjum deildarinnar.
Eins og staðan er núna þá hafa liðin fyrir ofan verið að sækja stig í síðustu leikjum en KF ekki, og hefur því liðið færst í fallbaráttu.
Liðið fékk liðstyrk núna 19. júlí þegar Alexander Már Þorláksson samdi við liðið í þriðja sinn og nú út leiktíðina. Vonandi nær hann að bæta árangur liðsins á heimavelli og skora nokkur mörk.
Mikið hefur verið rætt um ástandið á Ólafsfjarðarvelli undanfarin ár og aðstöðu liðsins til æfingar yfir vetrartímablið, en þá sækir liðið æfingar til Dalvíkur eða Akureyrar. Fyrstu heimaleikirnir hafa síðustu ár farið fram á Dalvíkurvelli.
Ljóst er að liðið þarf að sækja nokkra sigra til að lyfta sér úr fallsæti.
Næstu leikir liðsins eru:
Árbær á útivelli.
KV á heimavelli.
ÍH á útivelli.
Ýmir á útivelli.
Tindastóll á heimavelli.
Sindri á heimavelli.
Hvíti Riddarinn á útivelli.
Reynir á heimavelli.
Augnablik á útivelli.