Íslendingar 89% gesta á tjaldsvæðinu í Eyjafjarðarsveit árið 2025

Íslendingar voru í miklum meirihluta af fjölda gesta á tjaldsvæðinu í Eyjafjarðarsveit í Hrafnagilshverfi. Þetta sýnir tölfræðin frá árinu 2025 sem sveitarfélagið hefur birt.
Alls gistu 4076 manns í samtals 7718 gistinætur. Íslendingar áttu 89% af þessum gistinóttum, eða 6884. Næst fjölmennasti hópurinn eru Þjóðverjar með 184 gistinætur,næst Bandaríkjamenn með 98, Spánverjar með 80, Hollendingar 77 og Kanadamenn lögðu inn 67 gistinætur á tjaldsvæðinu árið 2025.