Gunnsteinn Ólafsson birti á samfélagsmiðlum í gær myndir af hvalreka í botni Héðinsfjarðar. Tvö smáhveli lágu þar í fjörunni, sennilega grindhvalir. Með í för var Örlygur Kristfinnsson, Már Örlygsson og Susann Rittermann, þýsk myndlistarkona. Hópurinn var í firðinum til að uppræta lúpínu.
Feðgarnir fara jafnan nokkrar ferðir á hverju sumri til þess að safna lúpínufræum eða slá lúpínubreiður og var það meðal annars tilgangur þessarar gönguferðar. Myndlistarkonan synti síðan hátt í þrjá kílómetra eftir endilöngu Héðinsfjarðarvatni í blautbúningi og með viðeigandi búnað.
Hvalirnir hafa líklega legið þarna í einhvern tíma.
Myndirnar eru birtar með góðfúsu leyfi Gunnsteins.
