Golfklúbbur Fjallabyggðar stóð fyrir Hamborgaramótinu í golfi í gær. Spilaðar voru 9 holur með Texas scramble. Eftir mót var hamborgari í boði fyrir alla. 22 kylfingar voru skráðir á mótið og mynduðu 11 lið.
Tveir voru saman í liði og var samanlögð forgjöf deilt með fjórum þegar úrslit voru reiknuð.
Liðið Drive&putter voru sigurvegarar mótsins, í liðinu voru Rósa Jónsdóttir og Sara Sigurbjörnsdóttir frá GFB. Liðið Zero var í 2. sæti en í liðinu voru Jóna Kristjánsdóttir og Eiríkur Pálmason frá GFB. Liðið Tveir villtir í þriðja sæti en í liðinu voru Þorgeir Sigurbjörnsson og Kristinn Sigurðarson frá GFB.
