Fyrsta golfmóti sumarsins er lokið í Ólafsfirði, en Cutter and Buck mótaröðin fer fram á miðvikudögum í sumar á Skeggjabrekkuvelli í Ólafsfirði á vegum Golfklúbbs Fjallabyggðar. Keppt er í þremur flokkum og eru mótin alls 10 í sumar.
- Opinn flokkur: Höggleikur án forgjafar
- Opinn flokkur forgjöf. 26,4 og lægri (fgj.flokkur 1-4): Punktakeppni með forgjöf
- Áskorendaflokkur (forgj. 26,5 og hærri): Punktakeppni með forgjöf
Í opnum flokki sigraði Ármann Viðar Sigurðsson með 19 punkta. Sara Sigurbjörnsdóttir var í 2. sæti með 18 punkta og Þorleifur Gestsson með 18 punkta.
Í áskorendaflokki þá var Geir Hörður Ágústsson með 19 punkta í 1. sæti og Sigmundur Agnarsson í 2. sæti með 17. punkta.
Í höggleik án forgjafar þá var Ármann Viðar Sigurðsson á 33 höggum.
