Dalvík/Reynir mætti Hamar frá Hveragerði í 2. umferð Gatorate bikarsins í vikunni, en það er bikarkeppni neðri deildarliða. Hamar spilar þétt og fast á heimavelli og eru nokkuð erfiðir heim að sækja. Heimamenn voru erfiðir í fyrri hálfleik og gáfu ekkert eftir. Fyrsta markið kom rétt fyrir hálfleik þegar Gabriel Lukas Freitas Meira skoraði fyrir D/R og var staðan 0-1 í hálfleik eftir mikla baráttu.
Um miðjan síðari hálfleik skoraði Elvar Máni Guðmundsson fyrir D/R og var staðan orðin 0-2. Elvar Máni fékk stungusendingu inn fyrir vörnina frá Gabriel Lukas og kláraði færið vel.
Hamar minnkaði muninn í uppbótartíma, en nær komust þeir ekki. Hörku leikur og D/R eru komnir áfram í 3. umferð og leika við Álftanes 4. ágúst. Lokatölur 1-2.