Barna -og unglingaráð Knattspyrnufélags Fjallabyggðar hefur fengið rausnarlegan styrk frá Dósaguttunum eins og þeir kalla sig.
Afhentur var styrkur upp á 5 milljónir króna sem verður notaður til að færa iðkendum KF glæsilega gjafir eins og Macron bakpoka, keppnisgalla ásamt sokkum, hettupeysu og íþróttabuxur.
Fyrir þá sem ekki vita þá hafa þeir félagar sinnt óeigingjörnu sjálfboðaliðastarfi fyrir KF til fjölda ára og þeirra framlag skiptir heldur betur sköpum.
Þeir standa vaktina í dósamóttökunni á Siglufirði alla mánudaga frá kl 16:30-18.
Það óhætt að taka hattinn ofan fyrir þeim. Gulla Sínu, Bjarna Árna, Dodda Bjarna og Vali Bjarna.
Hér eru þeir meistarar ásamt Sólveigu Önnu formanni barna og unglingaráðs.