Vorsýning MTR stafræn í ár

Vorsýning nemenda Menntaskólans á Tröllaskaga er á stafrænu formi í ár. Hún verður opnuð laugardaginn 15. maí.  Þar má sjá verk úr myndlistaráföngum, ljósmyndaáföngum og fleiri áföngum. Hlekkir eru á vefsíðunni sem veita aðgang að verkum nemenda úr ýmsum öðrum áföngum. Sýningin endurspeglar vel kraftmikið og skapandi starf á önninni. Sýningin endurspeglar vel einkunnarorð skólans: Frumkvæði – Sköpun – Áræði. Hún er á vefnum Artsteps sem er stafrænt sýningarrrými.

Sýningarstjóri er Bergþór Morthens, myndlistarkennari. Aðstoðarmaður hans við uppsetninguna var Gísli Kristinsson, kerfisstjóri. Sigurður Mar Halldórsson sá um uppsetningu á ljósmyndarými.

Hér er slóð á sýninguna: https://www.mtr.is/syningar/vor-2021