Vopnamál á Akureyri

Um kl. 1:30 í nótt fékk Lögreglan á Norðurlandi eystra á Akureyri tilkynningu í gegnum Fjarskiptamiðstöð Ríkislögreglustjóra frá íbúa fjölbýlishús í Naustahverfi um að heyrst hefðu skothvellir frá nærliggjandi íbúð.

Lögreglan ásamt sérsveitarmönnum staðsettum á Akureyri fóru þegar á staðinn og gerðar voru ráðstafanir til að fá frekari aðstoð frá sérsveit ríkislögreglustjóra og tryggja vettvang. Lokaði lögreglan nærliggjandi götum og hafði samband við íbúa sem næst bjuggu. Í framhaldinu var beðið eftir frekari liðsauka frá sérsveit Ríkislögreglustjóra.

Skömmu eftir komu liðsauka sérsveitar úr Reykjavík um kl. 5 í nótt, var grunaður aðili handtekinn og vettvangur tryggður. Viðkomandi var færður í fangageymslu lögreglunnar á Akureyri. Verður hann yfirheyrður síðar í dag.

Rannsóknardeild lögreglunnar á Akureyri hóf svo rannsókn á vettvangi.

Akureyri