Vinabæjarmót í Skagafirði

Í gær hófst vinabæjarmót í Skagafirði en um 30 manns frá hinum Norðurlöndunum eru mættir. Vinabæirnir eru Espoo í Finnlandi,  Køge í Danmörku, Kristianstad í Svíþjóð og Kongsberg í Noregi. Mótið stendur til 2. júní.

Mótið hófst í gærmorgun í Húsi frítímans þar sem Sigríður Svavarsdóttir forseti sveitarstjórnar bauð gesti velkomna. Síðan voru flutt erindi um nýsköpun í menntun og ungmennaráð og umræður á eftir milli þeirra þjóða sem eru virkir þátttakendur í samstarfinu.

Í dag, miðvikudaginn 1. júní funda bæjarstjórarnir í Árskóla kl. 9:00 og í kjölfarið verður blaðamannafundur. Þaðan verður haldið í Verið þar sem flutt verða m.a. erindi um móttöku flóttamanna/innflytjenda og mun sérfræðingur í málefnum innflytjenda hjá Velferðarráðuneytinu mæta. Eftir hádegið verður haldið að Reykjum á Reykjaströnd þar sem gestum býðst að sigla í Drangey og fara í Grettislaug. Um kvöldið verður hátíðarkvöldverður í Frímúrarasalnum.

vinabaejamot-2016