Vill flotbryggju vegna sjóflugvéla í útsýnisflugi

Valgeir T. Sigurðsson veitingamaður á Hafnarkaffi á Siglufirði hefur óskað eftir því að sett verði varanleg flotbryggja milli Togarabryggju og Ingvarsbryggju á Siglufirði, sem nota megi sem viðlegu fyrir sjóflugvélar í tengslum við útsýnisferðir frá Akureyri til Siglufjarðar.

Hafnarstjórn Fjallabyggðar hefur samþykkt að setja 8 metra einingu á ofangreindan stað til reynslu næsta sumar í tengslum við beiðni Valgeirs.

SL372228