Vilja úttekt á stöðu vega í Skagafirði

Umhverfis- og samgöngunefnd Skagafjarðar hefur lagt til að unnin verði úttekt á stöðu vega í Skagafirði með tilliti til notkunar og umferðaröryggis í samráði við Vegagerðina. Úttektin verði nýtt til forgangsröðunar vegaframkvæmda í Skagafirði.

Löngu er vitað að sumum íbúum sveitarfélagsins hefur þótt vegir og þjónusta við þá ekki vera í samræmi við notkun í ljósi aukinnar umferðar vegna ferðaþjónustu og aukinnar vinnu utan heimila í dreifbýlinu.