Vilja stjórnsýslustofnanir í Fjallabyggð

Bæjaryfirvöld í Fjallabyggðar lýsa yfir miklum áhuga á því að hluti af nýrri stjórnsýslustofnun sem sinna á málefnum Barnaverndarstofu, Fjölmenningarseturs og réttargæslumanna fatlaðs fólks verði staðsett í Fjallabyggð. Mikil reynsla og þekking í fjarvinnslu er til staðar í sveitarfélaginu.  Í Ólafsfirði hefur verið starfrækt fjarvinnsla á vegum Alþingis, en þeim störfum hefur fækkað verulega á síðustu árum, ásamt fleiri opinberum störfum.

Bæjaryfirvöld Fjallabyggðar hvöttu til þess á fundi með félags- og húsnæðismálaráðherra þann 7. nóvember síðastliðinn að horft sé til Fjallabyggðar þegar flutningur á opinberum störfum er fyrirhugaður og hafa lýst sig tilbúin til viðræðna við ríkisvaldið í þeim efnum.