Vilja mála listaverk á hafnargarðinn í Ólafsfirði.

Börn, unglingar og listamenn í Fjallabyggð hafa sótt um styrk til Fjallabyggðar til að skapa listaverkið “Sjávardýragarður – unnið með skapalónum af dýrum” sem þau vilja afhjúpa á sjómannadaginn í Ólafsfirði. Einnig vilja þau fá að mála hafnargarðinn í Ólafsfirði og setja upp þessi skapalón af sjávardýrum þar.

Hópurinn sem kemur frá Grunnskóla Fjallabyggðar, vinnuskóla og Félagsmiðstöðinni Neón  ásamt listamönnum og umsjónarmönnum sækja um styrk að upphæð 560.000 kr.