Í tilefni af því að Þórarinn Hannesson – Tóti – hefur nú komið fram 1000 sinnum til að flytja tónlist mun hann koma sér fyrir á Ljóðasetri Íslands á Siglufirði föstudaginn 6. nóv. og flytja eigið efni: lög, texta, ljóð, vísur, gamansögur og fleira.

Flutningurinn hefst kl. 12 á hádegi og stendur a.m.k. til miðnættis. Kaffi- og spjallpása verður síðasta korter hvers klukkutíma. Spilafélagar hans munu líta inn af og til og taka lagið með honum.

Sjóður til styrktar ungum fjölskyldum

Í tengslum við þennan viðburð hefur verið stofnaður sjóður sem nýttur verður til að aðstoða ungar fjölskyldur í Fjallabyggð þar sem alvarleg veikindi hafa hvatt dyra, hvort sem það eru veikindi foreldra eða barna. Úthlutað verður árlega úr sjóðnum og mun sérstök stjórn halda utan um hann og úthlutanir hans.

Á meðan á viðburðinum stendur getur fólk kíkt inn á Ljóðasetrið, notið þess sem þar fer fram, dreypt á kaffisopa og styrkt málefnið með því að stinga aur í söfnunarbauk sem þar verður. Einnig er hægt að leggja beint inn á reikning 1102-05-403016 kt. 211264-5359 í Sparisjóði Siglufjarðar.

Ljóðasetur