Vetrarhátíðir sameinast í eina á Akureyri

Éljagangur, vetrar- og útivistarhátíð á Akureyri, sem haldin hefur verið í byrjun febrúar frá því árið 2011, hefur verið sameinuð Iceland Winter Games sem haldin var í fyrsta sinn árið 2014. Í ár verður því haldin ein stór hátíð undir heitinu Íslensku Vetrarleikarnir / Iceland Winter Games dagana 6 til 14. mars.

Hátíðin sameinar eiginleika þessara tveggja viðburða og kynnir þá fjölbreyttu afþreyingu sem er í boði á svæðinu í og við Akureyri á veturna. Íslensku vetrarleikarnir eru einnig til þess fallnir að auka straum erlendra og innlendra ferðamanna norður á þessum árstíma.

Gestir Íslensku vetrarleikanna geta notið útiverunnar með ýmsum hætti; farið í skíðagöngu, á þyrluskíði, í snjósleða-, husky- og hestaferðir, skútusiglingar og fleira. Haldið verður stórt Freeskii-, bretta- og hundasleðamót auk sleðaspyrnu og boðið upp á ýmis konar tónlistarviðburði og aðra menningarviðburði.

Nánari upplýsingar og dagskrá á heimasíðu Íslensku Vetrarleikana.

1658275_731769530190849_1626822421_o-880x400