Verðlaun fyrir skreytingarkeppni Síldarævintýris

Á dögunum voru veitt verðlaun fyrir bestu skreytingarnar á “Síldarævintýrinu á Siglufirði”. Þrátt fyrir að ekki væri formlegt Síldarævintýri í ár voru íbúar hvattir til að skreyta hús sín í hverfislitunum, líkt og gert var í fyrsta sinn í fyrra, og brugðust margir vel við því.

Var gaman að sjá hversu margir lögðu metnað í að skreyta hús sín og garða og ekki skemmdi það gleðina að sjá kynslóðirnar vinna saman að skreytingum og skemmta sér vel í leiðinni.

Sérstök dómnefnd var skipuð til að velja metnaðarfyllstu og frumlegustu skreytingarnar. Átti hún erfitt með að gera upp á milli þeirra fjölmörgu skemmtilegu skreytinga sem bar fyrir augu. Ekki hjálpaði til að á föstudeginum gerði rigningu og rok svo ýmsar skreytingar gengu nokkuð úr lagi eða misstu mesta sjarmann. Sem betur fer var dómnefndin þá langt komin með mat sitt en veðrið gerði það að verkum að ekki náðist að mynda herlegheitin þannig að þau nytu sín.

En hér eru úrslitin og myndir af verðlaunahöfunum:

1. verðlaun: Sigurlaug Ragna Guðnadóttir, Ingvar Erlingsson og börn.
2. verðlaun: Guðrún Ósk Gestsdóttir og Gunnar Örn Óskarsson.
3. verðlaun: Guðfinna Skarphéðinsdóttir og Þröstur Ingólfsson.

Skemmtilegasta skreytingin: Ólöf Kristín Daníelsdóttir, Hrólfur Baldursson og dætur.

Nokkur fyrirtæki á Siglufirði gáfu glæsileg verðlaun sem verðlaunahafar munu njóta á næstunni.

Texti og myndir koma frá facebooksíðu Síldarævintýris á Siglufirði og eru birtar með leyfi.

Mynd frá Síldarævintýrið á Siglufirði.Mynd frá Síldarævintýrið á Siglufirði.Mynd frá Síldarævintýrið á Siglufirði.Mynd frá Síldarævintýrið á Siglufirði.