Þessa helgina er formleg opnunarhelgi á hinu stórglæsilega Sigló Hótel. Hótelstjóri og framkvæmdastjóri er Sigríður María Róbertsdóttir. Um 20 starfsmenn munu starfa á heilsársgrundvelli við hótelið og eru störfin fjölbreytt og skiptast í gistisvið, veitingasvið og sölu- og markaðssvið. Kostnaðurinn er sagður vera 1.3-1.4 milljarðar.
Sigló Hótel hefur 68 herbergi, þar af eru 3 svítur og 1 deluxe herbergi. Þá verður veitingastaður á hótelinu, bar, arinstofa og ráðstefnu- og veitingasalur. Einnig verður útiveitingasvæði, heitur pottur og gufubað. Hótelið er skráð 3430 fermetrar.
