Menningarfélagið Berg ses. auglýsir eftir rekstraraðila fyrir veitingarekstur í Menningarhúsinu Bergi Dalvík frá 1. nóvember 2016 eða samkvæmt samkomulagi. Umsóknarfrestur er til og með 6. september 2016.
Rekstraraðili veitingasölu hefur jafnframt séð um húsvörslu í Bergi.
Menningarhúsið Berg er staðsett í hjarta Dalvíkur. Þar er veitingarekstur með eldhúsi með grunnbúnaði, bókasafn og salur til ýmissa nota. Menningarfélagið Berg ses. sér um rekstur hússins og alla almenna dagskrá. Starfsemin í húsinu hefur verið fjölbreytt frá opnun þess s.s. tónleikar, fundir, ráðstefnur, bíósýningar og sýningar af ýmsu tagi, en náin samvinna er á milli þeirra sem sjá um veitingareksturinn, bókasafnsstjóra og framkvæmdastjóra Bergs um dagskrá hússins.
Æskilegt er að umsókninni fylgi hugmyndir um reksturinn og framtíðarsýn ásamt rekstrarlegum forsendum.
Félagið áskilur sér rétt til að taka hvaða umsókn sem er eða hafna öllum umsóknum sem berast.

Umsóknir, ásamt ferilskrá, berist til Grétu Arngrímsdóttur framkvæmdastjóra á netfangið berg@dalvikurbyggd.is eða í pósti á heimilisfangið: Menningarfélagið Berg ses., Ráðhúsi Dalvíkur, 620 Dalvík.

Allar frekari upplýsingar veitir Gréta Arngrímsdóttir framkvæmdastjóri í síma 868-9393 eða á netfangið berg@dalvikurbyggd.is.