Meistaramót Golfklúbbs Fjallabyggðar var haldið í 6.-11. ágúst á Skeggjabrekkuvelli í Ólafsfirði. Keppt var í fimm karla flokkum og þremur kvennaflokkum. Meistaraflokkur og 1. flokkur léku 3×18 holur en aðrir léku færri holur. Í ár voru 25 kylfingar skráðir til leiks og dreifðust á flokkana.
Sex kylfingar tóku þátt í meistaraflokki karla. Sigurvegari í ár var Kristján Sveinsson á 212 höggum. Sigurbjörn Þorgeirsson fylgdi fast á eftir og átti einnig besta hringinn, 67 högg, en hann endaði á 214 höggum. Ármann Sigurðsson var í 3. sæti á 230 höggum. Í 1. flokki karla sigraði Brynjar Þorleifsson á 243 höggum. Björn Kjartansson sigraði í öldungaflokki karla á 176 höggum.
Mikil spenna var í 1. flokki kvenna, og voru systurnar Sara Sigurbjörnsdóttir og Guðrún Sigurbjörnsdóttir jafnar með 242 högg og fóru í bráðabana þar sem Guðrún sigraði. Dagný Finnsdóttir var í 3. sæti á 248 höggum. Í 2. flokki kvenna sigraði Anna María Björnsdóttir á 184 höggum.
Upplýsingar um mótið,
Flokkaskipting:
Meistaraflokkur karla (fgj 0-12): (3×18 holur) 54 holur
1. flokkur karla (fgj 12,1-24): (3×18 holur) 54 holur
2. flokkur karla (fgj 24,1-36): (4×9 holur) 36 holur
3. flokkur karla (fgj 36,1 – 54,0) (3×9 holur) 27 holur –
Öldungaflokkur kk 67 ára og eldri: (4×9 holur) 36 holur
1. flokkur kvenna (fgj 10 – 24,9): (3×18 holur) 54 holur
2. flokkur kvenna (fgj 25,0 – 36,0): (4×9 holur9 36 holur
3. flokkur kvenna (fgj 36,1 – 54,0) : (3×9 holur) 27 holur
Unglingar : 18 holur (2×9 holur)
