Úrslit í Firmakeppni Skíðafélags Dalvíkur

Firmakeppni var haldin á annan í páskum eins og undanfarin ár af Skíðafélagi Dalvíkur. Veður og aðstæður voru góðar og mikil stemning í fjallinu.  Fyrirkomulagið er þannig að keppendum er raðað upp með forgjafar-fyrirkomuagi þannig að yngstu keppendur hefja keppni í 8 porti og svo koll af kolli upp í port 1, en sú nýung var í ár að keppendum 45 ára og eldri voru trappaðir niður í forgjafar-formúlunni þannig að 76 ára og eldri hefja leik í porti 8.

Í fjögra liða úrsiltum kepptu Markús Máni Pétursson fyrir Marúlf og Andrea Björk Birkisdóttir fyrir Sjúkraþjálfun Sveins Torfasonar.  Markús sigraði og hafnaði í 3 sæti.

Um 1.-2. sæti kepptu Barri Björgvisson fyrir EB og Guðni Berg Einarsson fyrir Vélvirkja. Úrslit réðust á síðustu metrunum, þar sem Guðni hafði betur og sigraði því keppnina í ár, og þannig varði titilinn frá því í fyrra.

Hér fyrir neðan má svo sjá lista yfir þau fyrirtæki sem tóku þátt í ár.