Ungmennafélagið Glói hreinsaði fjörur á Siglufirði

Ungmennafélagið Glói á Siglufirði stóð fyrir fjöruhreinsun á Siglufirði um síðastliðina helgi. Nokkrir stjórnarmenn félagsins leiddu verkefnið, en Þórarinn Hannesson er formaður félagsins. Talsvert af rusli eins og plast, járn og netadræsur söfnuðust saman úr þessari hreinsun.

Þetta er ekki í fyrsta sinn sem félagsmenn í Glóa huga að umhverfismálum því áður hefur verið farið í svipaðar hreinsunarferðir.  Félagið er líka með reit í Skógrækt Siglufjarðar þar sem það hefur plantað um 1.000 plöntum.

Félagið hyggst gera meira af slíku í framtíðinni en öll útivera er bráðholl og samveran góð.  Þetta kemur fram í tilkynningu frá Ungmennafélaginu Glóa á Siglufirði.

Myndir með fréttinni koma frá Þórarni Hannesssyni & Kristínu Önnu Guðmundsdóttur.