Umferðarmerkingar og stoppistöðvar skólarútu í Fjallabyggð til skoðunar

Skipulags- og umhverfisnefnd Fjallabyggðar hefur lagt fram ákveðnar breytingar er varða stoppistöðvar skólarútu í Fjallabyggð.

Í fundargerð stendur að á Siglufirði er samkvæmt núverandi umferðarmerkingum bannað að leggja á austurkanti Hlíðarvegs frá Brekkugötu að Þormóðsgötu og á vesturkanti Vetrarbrautar frá Eyrargötu að Aðalgötu. Skólarútan stoppar við grunnskólann á Hlíðarvegi og grunnskólann við Vetrarbraut og er því lagt til að sett verði upp umferðarmerki á báðum þessum stöðum sem heimila stöðvun skólarútunnar.

Einnig er leggur nefndin til að við íþróttamiðstöðina á Hvanneyrarbraut verði aflagt bílastæðið norðan við bílastæði fyrir hreyfihamlaða og þá verði sett upp umferðarmerki sem gefi til kynna að bannað sé að leggja nema fyrir skólarútu.

Í Ólafsfirði er lagt til að akstursleið skólarútunnar verði frá Menntaskólanum á Tröllaskaga eftir stíg að grunnskóla og bílastæði verði afmarkað fyrir framan skóla, vestan við nýbyggingu. Sett verði umferðarmerki á stíginn sem gefi til kynna að allur akstur sé bannaður nema skólabíll og reiðhjól.

Frá Siglufirði