Umferð dróst saman á Norðurlandi um 4.1 prósent

Umferðin á Hringveginum allt árið 2012 reyndist 0,4 prósentum minni en árið 2011, sé tekið mið af 16 lykilteljurum Vegagerðarinnar. Þetta er mun minni samdráttur en árin á undan. Árið 2011 dróst umferðin saman um 5,3 prósent og um 2,3 prósent árið 2010. Aukning var um 0,9 prósent 2009 en samdráttur upp á 1,7 prósent árið 2008. þar áður mældist gjarnan 5-6 prósenta aukning.

Í desember í fyrra jókst umferðin á Hringveginum um 5,7 prósent en í desember fyrir rúmu ári dróst umferðin mikið saman.

Umferðin árið 2012 liggur á milli áranna 2005 og 2006.

Milli áranna 2011 og 2012

16 lykilteljarar á Hringvegi gefa þá niðurstöðu að umferðin á Hringveginum hafi dregist saman um 0,4%, í heildina árið 2012.

Umferð jókst á Suðurlandi um 0,9%, á og við höfuðborgarsvæðið um 0,8% og á Austurlandi um 5,4%.  Umferð dróst saman á Vesturlandi um 3,5% og á Norðurlandi um 4,1%.

Heimild: vegag.is