Berjadagar 2020

Berjadagar er fjölskylduvæn tónlistarhátíð sem fram fer um Verslunarmannahelgi ár hvert í Ólafsfirði. Á þriðja tug listamanna koma fram á Berjadögum í ár. Hátíðin var stofnuð 1999 og hefur fest sig í sessi. Frítt er inn fyrir 18 ára og yngri á alla viðburði hátíðarinnar. Hægt er að kaupa hátíðarpassa eða kaupa miða á einstaka viðburði hátíðarinnar. Á Berjadögum tónlistarhátíð koma fram ólíkir hljóðfæraleikarar til að flytja list sína í kynngimögnuðum tónlistarsölum sem gera upplifun af klassískum tónleikum einstaka.

Í Ólafsfirði eru 14 dalir og hátíðin býður því upp á göngu með náttúruskoðun, brunch á Kaffi Klöru, skógrækt, listsýningu í Pálshúsi og ekki síst glæsilega tónleika í Menningarhúsinu Tjarnarborg og í Ólafsfjarðarkirkju. Á hátíðinni hljómar klassísk tónlist, djass, brasilísk tónlist, þjóðlög, íslensk sönglög og ópera. Berjadagar voru stofnaðir með einkunnarorðin ,,Náttúra og listsköpun” í huga af Erni Magnússyni píanóleikara. Listrænn stjórnandi frá 2013 er bróðurdóttir hans Ólöf Sigursveinsdóttir sellóleikari.

Þrír viðburðir verða föstudaginn 29. júlí, tvennir tónleikar í Ólafsfjarðarkirkju og um kvöldið í Tjarnarborg.

Alla viðburði má finna á vef hátíðarinnar.

Kynningar á listamönnum hátíðarinnar má finna hér.