Tónlistarhátíðin Berjadagar 16.-19. ágúst 2018

Tónlistarhátíðin Berjadagar fer fram í Ólafsfirði 16.-19. ágúst næstkomandi og er haldin í tuttugasta sinn. Á hverju kvöldi verða klassískir tónleikar og ýmsir viðburðir í boði á daginn. Dagskráin er fyrir alla aldurshópa og ókeypis aðgangur fyrir 18 ára og yngri. Íslenska sönglagið er afmælisþema Berjadaga 2018 en íslensk sönglög​ hafa glætt ​hátíðina lífi allt frá því leikar fóru fyrst fram á Ólafsfirði.

Afmælishelgin hefst í Ólafsfjarðarkirkju á fimmtudaginn 16. ágúst með tónleikum fiðluleikaranna Páli Palomares og Evu​ Panitch en með þeim leikur Eva Þyrí Hilmarsdóttir​ á píanó. Bjarni Frímann Bjarnason stjórnar hátíðarkvöldi Berjadaga 2018 í Ólafsfjarðarkirkju föstudaginn 17. ágúst þar sem hann kemur fram ásamt Kristjáni Jóhannssyni og fleiri gestum. Á lokakvöldinu í Menningarhúsinu Tjarnarborg, fer norðlenska tvíeykið, Hundur í óskilum,skipað þeim Hjörleifi Hjartarsyni og Eiríki Stephensen, höndum um íslenska sönglagið.

Aðrir listamenn sem fram koma á hátíðinni eru Eyjólfur Eyjólfsson, Edda Björk Jónsdóttir, Ave Kara Sillaots, Jón Þorsteinsson, Mikael Máni Ásmundsson, Marína Ósk Þórólfsdóttir. Ólöf Sigursveinsdóttir, Sigrún Valgerður Gestsdóttir og Sigursveinn Magnússon.