Tónleikar í Ólafsfjarðarkirkju á föstudaginn

Jasstónleikar verða haldnir í Ólafsfjarðarkirkju, föstudaginn 27. sept. kl. 20.

Þeir félagar Skúli Sverrisson og Óskar Guðjónsson eru á tónleikaferðalagi um landið þessa dagana. Þeir hafa starfað saman í 15 ár og gefið út tvær hljómplötur, Eftir þögn og The box tree, sem báðar unnu til Íslensku tónlistaverðlaunanna sem plötur ársins í flokki jasstónlistar.

Skúli hefur að mestu leyti starfað í Bandaríkjunum með mörgum þekktum listamönnun eins og Allan Holdsworth, Laurie Anderson, David Sylvian og Blonde Redhead. Óskar er einn af fremstu Jasstónlistamönnum landsins og tónlist hans hefur vakið athygli víða um heim. Hann hefur leikið með fjölda hljómsveita en helst má nefna ADHD og Mezzoforte.

Tónlist þeirra Skúla og Óskars er lagræn og hljómfögur þar sem einstök nálgun hljóðfæraleiks þeirra nýtur sín sem allra best.

1379867999_image