Tindastóll hefur ráðið nýjan knattspyrnuþjálfara

Sigurður Halldórsson hefur verið ráðinn þjálfari hjá Tindastóli og mun þjálfa meistaraflokk karla á komandi tímabili.   Sigurður sem býr á Sauðárkróki hefur áður þjálfað hjá félaginu og þekkir því bæði félagið og leikmennina vel. Sigurður hefur þjálfað í öllum deildum á Íslandi í 24 ár, bæði m.fl.karla og kvenna sem og 2.flokk.

Sigurður byrjaði þjálfaraferil sinn 28 ára gamall hjá Völsungi sem þá voru í næstefstu deild en Sigurður hafði þá verið lykilmaður hjá ÍA sem varð tvöfaldir meistarar tvö ár í röð.

Sem þjálfari hefur Sigurður farið sex sinnum upp um deild með m.fl. þar af tvisvar með Tindastól.

Sem leikmaður á Sigurður A landsleiki, U landsleiki, Evrópuleiki og um 350 m.fl. leiki, langflesta með ÍA.  Fjórum sinnum varð hann  Íslandsmeistari og fjórum sinnum bikarmeistari