Tilkynnt um grútarmengun í Siglufjarðarhöfn

Skipulags- og umhverfisnefnd Fjallabyggðar hefur tekið fyrir mál sem varðar grútarmengun í Siglufjarðarhöfn. Lagðar hafa verið fram myndir sem sýna að mengun eigi upptök sín í rækjuvinnslu Ramma hf á Siglufirði.

Málinu hefur verið vísað til Heilbrigðiseftirlits Norðurlands vestra. Samkvæmt starfsleyfi þá skal fyrirtækið hafa fullnægjandi búnað til að hindra að föst óhreinindi berist í holræsakerfi sveitarfélagsins Fjallabyggðar. Óheimilt er að farga lífrænum úrgangi um niðurföll.