Tilkynning frá stjórn foreldrafélags Grunnskóla Fjallabyggðar

Stjórn foreldrafélags Grunnskóla Fjallabyggðar hefur birt eftirfarandi tilkynningu:

Stjórn foreldrafélags grunnskólans vill í ljósi dræmrar mætingar foreldra/forráðamanna grunnskólabarna í Fjallabyggð á fræðslufundi á vegum félagsins hvetja foreldra/forráðamenn til að senda inn tillögur að fræðsluefni sem áhugi er fyrir eða þörf er á, á skólastjórnendur eða meðlim stjórnarinnar á boggahardar@simnet.is

Einnig hefur verið ákveðið að hvert heimili skuli tilkynna hver mætir með/fyrir hönd nemanda á komandi fræðslufundi. Þetta mun vera gert í von um að fræðsla í nærumhverfi nýtist sem best og komi frá fyrstu hendi.

Foreldrafélagið stendur straum af kostnaði þessara fræðslufunda og minnir á greiðslu árgjalds og mikilvægi þess að á því séu staðin skil.

Að lokum finnst stjórninni vert að árétta að viðburðir innan bekkja eru skipulagðir og ætlaðir sem stund sem nemendur eiga með foreldrum/forráðamönnum sínum. Því er mikilvægt að foreldrar/forráðamenn sæki þá viðburði, myndi tengsl við foreldrahópinn og skemmti sér með börnum sínum. Ekki er ætlast til að systkini mæti með á slíka viðburði!

Heimild: grunnskoli.fjallabyggd.is