Tilkynning frá MTR

Á heimasíðu MTR kemur fram að fundur með foreldrum og forráðamönnum nýnema verður haldinn fimmtudaginn 6. september n.k. kl. 17:30 í húsnæði Menntaskólans á Tröllaskaga á Ólafsfirði. Fundurinn hefst á ávarpi skólameistara. Aðstoðarskólameistari kynnir uppbyggingu náms við skólann og sýnir notkun á nemendaumsjónarkerfinu INNU og námsvefnum MOODLE. Námsráðgjafi kynnir stoðkerfi skólans og fer yfir mikilvægi samstarfs heimila og skóla og umsjónarkennarar nýnema kynna sig. Fulltrúar úr nemendaráði koma einnig á fundinn, kynna sig og segja frá félagslífinu við skólann.

Fulltrúar úr stjórn Foreldrafélags MTR kynna félagið og halda aðalfund sinn í beinu framhaldi af fundi skólans.

Heimild: www.mtr.is