Tilboð bárust í Vaðlaheiðargöng

Sameiginlegt tilboð ÍAV hf. og Marti Contractors Lts. frá Sviss í gerð Vaðlaheiðarganga var lægst en tilboð voru opnuð hjá Vegagerðinni í dag, 11. október. Tilboð þeirra hljóðaði upp á ríflega 8,8 milljarða króna eða um 95 prósent af kostnaðaráætlun.

Önnur tilboð voru á bilinu 9,5 milljarðar upp í 10,8 frá íslenska samstarfshópnum Norðurverki, frá Ístaki hf. og frá sameiginlegu boði Metrostav a.s. og Suðurverki hf., að því er fram kemur á vef Vegagerðarinnar.

Fram kemur að áætlaður verktakakostnaður hafi verið 9.323.350.000.

Tilboðin voru:

IAV/Marti (Ísland – Joint Venture)                     8.853.134.474,-      95,0 %

Norðurverk (Ísland – samstarfshópur)              9.488.706.534,-     101,8 %

Ístak hf. (Ísland)                                               9.901.752.795,-     106,2 %

Metrostav-Suðurverk (Ísland – Joint Venture)   10.849.427.276,-   116,4 %

mbl.is greinir frá.