Þrjú Íslandsmet í kraftlyftingum til Fjallabyggðar

Hilmar Símonarson frá Kraftlyftingafélagi Ólafsfjarðar Fjallabyggð keppti í gær á sínu fyrsta alþjóðlega móti í kraftlyftingum á RIG leikunum, Reykjavík International Games.
Mótið var haldið í Sporthúsinu í Kópavogi og var umgjörð öll til fyrirmyndar. Gífurlegur kuldi var því miður á keppnis og upphitunarstað vegna bilunar í hitakerfi og var mótið því mjög krefjandi fyrir keppendur. Hilmar þurfti margoft að fara á hlaupabretti til að stífna ekki upp en þrátt fyrir þetta féllu mörg met.
Hilmar keppti í 66 kg flokki og vigtaðist 64,85kg. KFÓ greindi frá þessu á FB síðu sinni í dag.
Hnébeygja var opnuð með 175 kg léttri og öruggri lyfti, í annari 185,5 kg sem var bæting um 0,5 kg og þriðju 190 kg bæting um 5 kg á Íslandsmeti.
Bekkpressa: 117,5 og 125 kg í annari lyftu, í þriðju reyndi Hilmar við 130,5 kg sem var tilraun við nýtt Íslandsmet, sem hafðist ekki að þessu sinni.
Réttstaða: Hilmar opnaði á 207,5 sem var létt lyfta og tryggði nýtt Íslandsmet í samanlögðum árangri. Þegar hér var komið við sögu var kuldi og stífleiki farinn að segja til sín. Hilmar reyndi tvisvar við 215 sem naumlega mistókust.
Niðustaðan var í samanlögðu 522,5 kg sem er feykigóður árangur (og er 17,5kg bæting á samanlögðum árangri), ekki síst ef tekið er mið af líkamsþunga Hilmars.
Það er full ástæða til að óska Hilmari til hamingju með sitt fyrsta stórmót, framundan er mjög spennandi keppnisár.
Heimild: KFÓ – Facebook.
May be an image of 1 einstaklingur