Þrjár stúlkur keppa fyrir MTR í Gettu betur

Þrjár stúlkur, Arndís Lilja Jónsdóttir, Kristlaug Inga Sigurpálsdóttir og Þórdís Rögnvaldsdóttir munu keppa fyrir hönd Menntaskólans á Tröllaskaga í Gettu betur, spurningakeppni framhaldsskólanna. Keppnin hefst 7. janúar 2013.

Næsti atburður skólans á eftir Gettu betur verður sameiginleg undankeppni Söngkeppni framhaldskólanna haldin með Framhaldskólanum á Laugum.

Þá kemur fram á heimasíðu MTR að nemendaráð skólans auglýsi eftir fólki í tvær stöður, gjaldkera og meðstjórnanda. Áhugasamir eru beðnir að snúa sér til fulltrúa í nemendaráði, senda þeim tölvupóst eða setja skilaboð á Facebook síðu Nemendafélagsins Trölla.

Heimild: www.mtr.is