Þóttist vera starfsmaður Norðurorku og fór inn í hús á Akureyri

Fyrir viku síðan kom óþekktur aðili að húsi á Akureyri og kynnti sig sem starfsmann Norðurorku og sagðist vera að lesa af mælum. Honum var hleypt inn af barni á heimilinu. Hann fór inn og síðan út aftur. Þegar farið var að skoða málið kom í ljós að þarna var ekki starfsmaður Norðurorku á ferð.

Starfsmenn Norðurorku er allir í yfirhöfnum sem eru merktar Norðurorku. Þá eru þeir allir með starfsmannapassa með nöfnum og mynd af viðkomandi starfsmanni. Starfsmönnum Norðurorku er uppálagt að lesa ekki af ef enginn fullorðinn er á heimilinu.  Lögreglan á Norðurlandi eystra greindi frá þessu.