Þann 8. maí árið 2021 munu strákarnir sem komu, sáu og sigruðu Söngkeppni framhaldsskólanna árið 2020 gefa út sitt fyrsta lag. Lagið heitir Aleinn á nýársdag og kemur út á öllum helstu streymisveitum. Einnig kemur út myndband við lagið sama dag. Þessir drengir hafa spilað saman í mörg ár og er loksins komið að því að þeir gefi út sitt efni.
Strákarnir hafa komið víða við og hafa meðal annars tekið þátt í Músiktilraunum og Söngkeppni Samfés. Strákarnir eiga allir heima á Siglufirði og eru nemendur við Menntaskólann á Tröllaskaga þar sem þeir stunda nám á tónlistarbraut skólans.
Hljómsveitina skipa:
Hörður Ingi Kristjánsson – hljómborðsleikari
Júlíus Þorvaldsson – söngvari og gítarleikari
Mikael Sigurðsson – bassaleikari
Tryggvi Þorvaldsson – söngvari og rafmagnsgítarleikari
Aðrir hljóðfæraleikarar:
Guðmann Sveinsson – rafmagnsgítar og raddir
Rodrigo dos Santos Lopes – trommur
Hægt er að fylgjast með nýjstu fréttum frá hljómsveitinni á samfélagsmiðlum.
Facebook: https://www.facebook.com/MTHJ.music
Instagram: https://www.instagram.com/mthj.music
