Þjóðlagahátíð hefst á morgun

Hin árlega Þjóðlagahátíð sem haldin er á Siglufirði hefst á morgun, 1. júlí og stendur til 5. júlí.  Þjóðlagahátíðin á Siglufirði er 15 ára í ár, en hún var fyrst haldin árið 2000 fyrir tilstuðlan Félags um Þjóðlagasetur sr. Bjarna Þorsteinssonar á Siglufirði, Reykjavíkur, menningarborgar Evrópu árið 2000 og Siglufjarðarkaupstaðar. Hátíðin er skipulögð í nafni Félags um Þjóðlagasetur sr. Bjarna Þorsteinssonar, en samstarfsaðilar á Siglufirði eru Síldarminjasafnið og Siglufjarðarkirkja.

Dagskrá morgundagsins:

Siglufjarðarkirkja kl. 20.00

Hin gömlu kynni gleymast ei

Heddý og félagar syngja og leika íslenskar dægurperlur frá 20. öld

Þórhildur „Heddý“ Pálsdóttir söngur

Sigurbjörg María Jósepsdóttir kontrabassi

Jósep Ó. Blöndal píanó

Hafþór Guðmundsson slagverk

 

Bátahúsið kl. 21.30

Lux Illuxit – Lofsöngur til dýrðar Ólafi helga

Helgisöngvar og norsk þjóðlög sem tengjast Ólafi helga Noregskonungi

Elisabeth Holmertz, söngur

Poul Höxbro flauta og trommur

Elisabeth Vatn orgel, sekkjapípur

Anders Röine harðangursfiðla og langeleik

Ívar Sverrisson sögumaður

 

Bræðsluverksmiðjan Grána kl. 23.00

Sagnir og söngvar frá Wales

Nath Trevett gítar og söngur