Þjálfari Tindastóls í körfubolta hættir

Körfuknattleiksdeild Tindastóls og Israel Martin hafa komist að samkomulagi um að hann hætti þjálfun meistaraflokks karla. Ákvörðunin er tekin í mestu vinsemd og fara báðir aðilar sáttir frá borði. Þetta kemur fram í fréttatilkynningu frá Tindastóli.

Israel Martin hefur þjálfað lið Tindastóls síðustu tvö keppnistímabil í Dominosdeild karla með ágætum árangri þar sem bikarmeistaratitill 2018 stendur uppúr.

Stjórn KKD Tindastóls vill þakka Israel Martin fyrir gott og óeigingjarnt starf fyrir deildina og óskar honum velfarnaðar í framtíðinni.