Miðaldadagar verða haldnir á Gásum um helgina og er dagskráin þétt bæði á laugardag og sunnudag.
Báða daga hefjast herlegheitin með opnun kaupstaðarins kl. 11:00 en bæjarhliðunum verður lokað aftur kl. 16:00.
Hér er það sem hæst ber um helgina og gildir fyrir bæði laugardag og sunnudag:
- 11.00: Kaupstaður opnar.
- 11.00-16.00: Kaupmenn selja varning sinn og vinna að handverki.
- 12.00-16.00: Þorir þú á hestbak? Teymt undir börnum.
- 11.00-16.00: Getur þú skotið af boga? Hægt að spreyta sig í bogfimi. 4 örvar á 1.000 krónur.
- 12.00: Lifandi leiðsögn um fornleifasvæðið. Leiðsögumaður: Níels Ómarsson.
- 13.00: Tóvinna á miðöldum – erindi.
- 14.00: Skylmingar og slagsmál – erindi.
- 15.00: Leiðsögn um fornleifasvæðið. Leiðsögumaður: Níels Ómarsson.
- 16.00: Kaupstaður lokar.
Annað sem um er að vera er meðal annars eldsmíði, jurtalitun, knattleikur, vattarsaumur, framlag seiðkonu, hringdans, matargerð, leikþáttur, bandvefnaður, tálgun og miðaldatónlist.
Aðgangur er ókeypis og allir velkomnir.