Textílfélagið sýnir í Bláa húsinu hjá Rauðku

Textílfélagið opnar sýningu í Bláa húsinu hjá Rauðku á Siglufirði, fimmtudaginn 3. júlí kl 15 og stendur sýningin út júlímánuð. Opið verður daglega frá kl 14:00 – 18:00. Tuttugu og ein listakona tekur þátt í þessari sýningu Textílfélagsins á Siglufirði en hún er sú fyrsta í röð sýninga í tilefni afmælisársins.

Textílfélagið var stofnað árið 1974 og fagnar 40 ára afmæli sínu í ár. Félagið er eitt af aðildarfélögum SÍM, Sambands íslenskra myndlistarmanna og er eitt þeirra félaga sem stendur að Hönnuarmiðstöð Íslands. Í dag eru félagskonur 75 talsins.