Tamningaferli Háskólans á Hólum

Hestafræðideild Háskólans á Hólum mun bjóða upp á símenntunarnámskeið fimmtudaginn 21. nóvember nk., undir yfirskriftinni Tamningaferli Háskólans á Hólum. Námskeiðið er ætlað þeim er útskrifast hafa úr hestafræðideildinni , sem og öðrum félagsmönnum í Félagi tamningamanna.

Dagskráin hefst kl 13:00 í Þráarhöllinni, og er í stórum dráttum eins og hér segir, með fyrirvara um smávægilegar breytingar:

  • 13:00 Frumtamningaferlið
  • 14:00 Umræður og hlé
  • 14:30 Grunnþjálfun
  • 15:30 Umræður og hlé
  • 16:00 Þjálfun
  • 16:45 Umræður og hlé
  • 17:00 Lok

Ekki þarf að greiða fyrir þátttöku í námskeiðinu, en hægt verður að kaupa námskeiðsmöppu sem inniheldur kennslugögn. Mappan kostar kr. 1.000.

Einnig verða kaffi og kleinur til sölu á staðnum. Hægt er að skrá sig á hólar.is