Tæplega 100 milljónir í frístundastyrki í Akureyrarbæ

Alls voru 2.602 börn og unglingar á aldrinum 6-17 ára nutu góðs af frístundastyrk Akureyrarbæjar árið 2021. Styrkurinn nam 40.000 krónum á hvern iðkanda árið 2021. Í heildina var tæplega 98 milljónum króna varið í frístundastyrki í 3.554 skráningum sem jafngildir styrk upp á 37.618 krónur að meðaltali á hvern iðkanda.

Markmið með frístundastyrk Akureyrarbæjar er að styrkja börn og unglinga til þátttöku í uppbyggilegu frístundastarfi og auka möguleika til þátttöku óháð efnahag. Einnig að ýta undir aukna hreyfingu, virkni og félagsþátttöku sem og að vinna gegn óæskilegu brottfalli í eldri aldurshópum iðkenda.

Kynjahlutfall skráninga var mjög jafnt, 50,4% drengir og 49,6% stúlkur. Flestar skráningar voru hjá íþróttafélaginu Þór og KA. Samstarfsaðilar (íþrótta-, æskulýðs og tómstundafélög auk fyrirtækja) sem tóku við frístundastyrk 2021 voru samtals 41 talsins.

Heimild: akureyri.is