Sýningin Ljósbrot úr lífi konu í Bláa húsinu

Kolbrún Símonardóttir opnar sýningu í Bláa húsinu á Siglufirði þann 17. júní næstkomandi kl. 15:00 og stendur sýningin til 6. júlí.
Sýningin heitir Ljósbrot úr lífi konu og er yfirlitssýning af verkum hennar í gegnum tíðina. Má þar nefna vatnslita myndir, teikningar, bútasaumur, gler og eitt og annað sem hún hefur lagt hönd á um dagana. Sýningin er haldin í tilefni 70 ára afmælis Kolbrúnar síðar á þessu ári og er þetta fyrsta einkasýningin hennar en hún hefur tekið þátt í nokkrum samsýningum bæði hérlendis og erlendis. Til að mynda átti hún verk á stórri bútasaumssýningu í Birmingham í fyrrasumar og var það framlag Íslands í óhefðbundnum bútasaum. Einnig átti hún verk á norrænni farandsýningu fyrir nokkrum árum en sú sýning fór um öll Norðurlöndin.

Heimild: fjallabyggð.is

SL372539Ljósmynd: Héðinsfjörður.is