Sveitastjórn Skagafjarðar tekur 161 milljón króna lán

Sveitarstjórn Sveitarfélagsins Skagafjarðar hefur samþykkt að taka lán hjá Lánasjóði sveitarfélaga ohf. að fjárhæð 161.000.000 kr. til 13 ára. Til tryggingar láninu standa tekjur sveitarfélagsins, sbr. heimild í 3. mgr. 73. gr. sveitarstjórnarlaga nr. 45/1998. Er lánið tekið til að endurfjármagna afborganir lána á gjalddaga hjá Lánasjóði sveitarfélaga á síðari hluta árs 2011 ásamt því að fjármagna gatnagerð, gangstéttir og fráveituverkefni, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.