Sveitalíf – Friðrik Ómar og Jógvan í Fjallabyggð

Friðrik og Jógvan verða með tónleika í Menningarhúsinu Tjarnarborg í Ólafsfirði í kvöld 21:00 og á morgun á Rauðku á sama tíma. Miðinn kostar 4999 kr.

Þeir eru heimsfrægir á landsbyggðinni og eiga met í að vera í öðru sæti í öllum keppnum sem þeir taka þátt í. Saman eru þeir hinsvegar á toppnum og hafa aldrei verið betri. Vinirnir Friðrik Ómar og Jógvan Hansen tilheyra ýmsum minnihlutahópum en þegar kemur að því að skemmta fólki þá kunna þeir sitt fag. Eftir afar vel heppnaða tónleikaferð um landið sumarið 2020 eru þeir mættir aftur á húsbílnum og þeysast um landið með hljóðfærin og góða skapið í farteskinu. Hér er á ferðinni skemmtun sem enginn má láta framhjá sér fara á ferð um landið í sumar.
Það verður dansað, sungið og hlegið. Svo einfalt er það.

Dagskrá næstu daga:

7. júlí: Ólafsfjörður, Félagsheimilið Tjarnarborg
8. júlí: Siglufjörður, Rauðka
9. júlí: Varmahlíð, Miðgarður
10. júlí: Blönduós, Félagsheimilið
11. júlí: Skagaströnd, Kirkjan