Sundlaugin á Grímsey opnaði aftur eftir viðhald

Sundlaugin í Grímsey hefur nú verið opnuð á ný eftir viðhald, þar sem laugin var meðal annars máluð. Sundlaugin í Grímsey er nyrsta sundlaug landsins, hún er innanhússundlaug eins og flestar þær laugar sem ekki hafa aðgang að jarðhitavatni. Enginn jarðhiti er í Grímsey og því er allt rafmagn framleitt í díselrafstöð, kælivatnið frá stöðinni er síðan notað til að hita upp sundlaugina.

Laugin er 12.6 x 6 metrar og einnig er heitur pottur.

Sundlaugin er opin allt árið, mánudaga, þriðjudaga og miðvikudaga kl. 20.00-21.30 og laugardaga 14.00-16.00, lokað aðra daga.

Mynd: Anna María Sigvaldadóttir